Warrior-For-Christ

Hou jou Swaard skerp

with one comment

Hebreërs 4:12 Die Woord van God is lewend en kragtig. Dit is skerper as ‘n twee-snydende swaard.

Wie ons ookal is, is ons verseker dat versoeking in veskeie vorme weer en weer op ons pad sal kom. Ons het egter ook die versekering dat gewapen met die kennis van God se Woord, ons dit kan afweer en aanvallend terug kan slaan (vgl . Efesiërs 6:17).

So sal die duiwel byvoorbeeld by jou kom wanneer jy fouteer het en sê, “Jy het (alweer) gefaal, vir jou is daar geen verlossing nie.”

Dan trek jy die Swaard van die Gees (die Woord van God) uit en antwoord, “Nee, dit is nie so nie. In 1 Johannes 1:9 staan daar geskryf as ons ons sondes bely, is Hy getrou en regverdig, Hy vergewe ons ons sondes en reinig ons van alle ongeregtigheid.”

Dan antwoord hy, “O nee, jy is verkeerd – God verdoem jou!”

En jy kap terug, “Nee, weereens is jý verkeerd want in Romeine 8:1 is geskrywe dat daar geen veroordeling is vir dié wat in Christus Jesus is nie – die Gees het jou die lewe gegee in Jesus Christus en maak jou vry van die sonde en die dood.”

Nou ‘n bietjie versigtiger sê hy, “Wag maar, jy gaan weer struikel in die sonde en dán gaan ek jou kry.”

Laggend antwoord jy, “O nee, nooit nie want in Johannes 10:28 sê Jesus self –Ek gee hulle [my skape] die ewige lewe, en hulle sal in alle ewigheid nooit verlore gaan nie. Niémand sal hulle uit my hand ruk nie.”

Begin daarom vandag die Woord van God ken, en hou op dié manier jou Swaard skerp vir Hom. Daar is geen ander manier om God te leer ken as deur Sy Woord nie.

(Idee: Pastoor Greg Laurie, Harvest Ministries)

Advertisements

Written by Warrior-For-Christ

January 10, 2008 at 11:24 am

Posted in Christelike Lewe

Tagged with ,

One Response

Subscribe to comments with RSS.

  1. Ek glo dit met my hele hart, siel en verstand!

    Santie

    January 12, 2008 at 2:48 pm


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: