Warrior-For-Christ

Vetrou volkome op God

with one comment

Eksodus 14:13-14 Moenie bang wees nie, staan vas, kyk hoe die Here julle vandag gaan red… Bly julle maar kalm. Die Here sal vir julle veg.

Hoe maklik word ons nie kleingelowig as gevaar dreig of verval ons in twyfel wanneer daar ‘n krisis in ons lewens dreig nie. Ten spyte hiervan het die Here nog elke keer uitkoms gegee en gehelp in nood. Dit laat my baie dink aan wipplank ry, met die siklus wat wissel tussen laagtepunte van vertwyfeling wanneer daar probleme in ons lewens is en die hoogtepunte van dankbaarheid wanneer God dan telkens intee om ons te red uit ‘n situasie.

Die NIV Life Application Study Bible (Tyndale House Publishers and Zondervan, 2005) sê dat dit in die tye van benoudheid is wanneer ons die “Moses Attitude” moet aanneem waarna daar in Eksodus 14: 13 & 14 verwys word – “Stand firm and see the deliverance the Lord will bring!”

Ons moet leer om God onvoorwaardelik te vertrou met ons alles – ons hele lewens – al lyk dit soms of jou omstandighede jou gaan oorweldig en daar geen uitkoms moontlik is nie. Dink dan aan al die vorige kere wat Hy jou gehelp het – nét so sal Hy jou weer help. Bly kalm, staan vas in die geloof (al is dit soms moeilik) en kyk met afwagting hoe die Here jou gaan red – watter wonderwerk hy volgende in jou lewe gaan verrig.

Advertisements

Written by Warrior-For-Christ

January 4, 2008 at 11:01 am

Posted in Christelike Lewe

Tagged with ,

One Response

Subscribe to comments with RSS.

  1. Hi Warrior

    Ek prys die Here vir Sy getrouheid en hoe onverklaarbaar Hy ons gebede verhoor op Sy tyd. Ons bid baie lank al dat die Here ‘n werk in julle lewens begin en ons Prys die Here vandag saam met julle vir die groei wat in jul lewens besig is om te gebeur. Volmaak en volkome heilig sal ons nie op hierdie aarde wees nie maar dis ‘n pad wat ons loop tot die dag dat die Here weer op die wolke kom om ons te kom haal.

    “n Stukkie wat ek vandag ontvang het wat aansluit by bogenoemde artikel. Ons KAN elke dag oorwinning behaal omdat ons op God kan vertrou en WEET Hy is aan ons kant.
    Omdat God aan ons kant is:

    “God is vír ons, wie kan dan teen ons wees?” (Rom 8:31.)
    Lees Romeine 8:31-39

    Voel dit soms vir jou asof alles en almal teen jou is? Lyk dit soms vir jou asof duister magte saamsweer om die lewe vir jou moeilik te maak? Veroorsaak selfs jou dierbares vir jou probleme? Indien wel, moenie wanhoop nie. Dit is normaal. Die mens se lewens­pad is nooit net met rose besaai nie. Hoe maklik ander mense se lewe ook al lyk, feit is: Die lewe is dikwels moeilik, soms genadeloos en volgens ons oordeel ook nie altyd regverdig nie.

    Paulus het gevra: As God vír ons is, wie kan dan teen ons wees? Hy het geweet daar was vyande van die evangelie en die geloof wat teen hom gekant was. Daar was vals leraars, en die regering van die dag was onsimpatiek en soms openlik vyandig teenoor die gelowiges. Boonop het Paulus geweet dat die bose magte van die duiwel die grootste vyand van sy verkondiging van die evangelie was.

    Ten spyte van al hierdie teëspoed het Paulus egter geweet dat die almagtige God aan sy kant was. En omdat hy aan God se kant was, kon hy met oortuiging verklaar: “Geen dood of lewe of engele of magte of teenswoordige of toekomstige dinge of kragte of hoogte of diepte of enigiets anders in die skepping kan ons van die liefde van God skei nie, die liefde wat daar is in Christus Jesus ons Here” (Rom 8:38-39). God is magtiger as alles en almal!

    Hoe terneergedruk jy dus ook al soms word, hoe fel die teenstand van die Bose ook al is, vertrou net op Jesus Christus. Weet dat Hy vir jou die oorwinning sal behaal. Eintlik het Hy dit reeds gedoen. Hy wag vir jou om sy oorwinning in jou lewe en omstandighede ’n werk­likheid te maak. Onthou altyd: Met Christus is jy aan die wenkant.

    Gebed Dankie Vader, dat U deur Jesus Christus die wêreld oorwin het en dat ek kan deel in hierdie oorwinning.

    Ou bekendes

    January 18, 2008 at 10:06 am


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: